Europami nakorsaatinut aqutsisoqarfiata, EMA-p, EU-mi akiuussutissanik akuersissuteqarsinnaanermut qinnuteqaatit suliarisarpai.Assi: Johan Nilsson/TT/Ritzau Scanpix

Canada siullersaalluni meeqqat Pfizerimit akiuussuserneqarnissaanut akuersisut

Canadami meeqqat anginerusut coronavirusimut akiuussuserneqarsinnaanissaanut akuersisoqarpoq, tamanna misileraanernit tunngaveqartoq, siunnersorti oqarpoq.

Canada nunarsuarmi nunani siullersaalluni nakorsaasiorfiit Pfizer/BioNTechillu coronavirusimut akiuussutissaliaata meeqqanut aqqaneq-marluleereersunut atorneqarsinnaanissaa akuersissutigaa.

Canadap naalakkersuisuisa peqqissutsimut siunnersortaat Supriya Sharma taama ilisimatitsivoq.

Akiuussutissap inersimasunut atorneqarneratut meeqqanut atorneqarnera isumannaatsuuneranik takussutissaqartoq Sharma oqarpoq.

- Akiuussutissaq una meeqqat coronavirisumik tunillanneqarsinnaanerannik pinngitsoortitsisinnaasut akornanni Canadap nappaammik siaruatsaaliuinerani atorneqartut siullersaraat, peqqissutsimut siunnersortit, tusagassiortunik katersortitsinermi taama oqarput.

AAMMA ATUARUK Naggueqatigiit inuit Canadami akiuussutissamik kapitinnissamut salliutinneqassasut

Pfizer/BioNTechip akiuussutissaliaa EU-mi meeqqanut aqqaneq-marluk 15-illu akornanni ukiulinnut atorneqarsinnaanissaa pillugu aamma qinnuteqaateqarpoq.

Europami nakorsaatinut aqutsisoqarfiata, EMA-p, EU-mi akiuussutissanik akuersissuteqarsinnaanermut qinnuteqaatit suliarisarpai.

Nakorsaasiorfiit Pfizer/BioNTech, nunarsuarmi nakorsaasiorfiit akornanni siullersaallutik coronavirusimut akiuussutissamik inersimasunut atorneqarsinnaasumik EU-mi siorna decembarimi akuersissuteqarfigineqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat