Immap naqqatigut kabeli, 2023-mi piareertussatut naatsorsuutigineqartup, atuutilersinneqarpat Nunavummi inoqutigiit sukkanerusumik, tassa sekundimut 1 gigabytemik sukkassusilimmik, internetersinnaalissapput.

Canada nunatsinnut atasumik sukkanerusumik interneteqalersitsiniarpoq

Canada nunap avannaani sukkanerusumik interneteqalersitsiniarluni immap naqqatigut nunatsinnut atasumik kabelitaarniarpoq.

Canada Iqalunniit nunatsinnut imaatigut kabelimut atugassaminik 151 millionit canadamiut dollarsiinik aningaasaliiniartoq, Canadap avinngarusimasortaani inuussutissarsiornikkut ineriartortitsinermut ministeriata Bernadette Jordanip tusagassiortunik katersortitsinermini oqaatigaa.

Nutaarsiassaqartitsivik CBC taama allaaserisaqarpoq.

CBC naapertorlugu kabeli, 1700 kilometerinik takitigisoq, Nuummiit Iqalunnut Iqalunniillu Qeqertaalunnut siaarsimassaaq.

AAMMA ATUARUK Kujataani immap naqqatigut kabeli iluarsaanneqalersoq

Innuttaasut Canadami avannarlermi Nunavummiittut internetimut attaveqaat satellitikoortoq 15 Mbit/sekundimik sukkassusilik atorneruaat. Immallu naqqatigut kabeli, 2023-mi piareertussatut naatsorsuutigineqartoq, atuutilersinneqarpat Nunavummi inoqutigiit 3215-it sukkanerusumik, tassa sekundimut 1 gigabytemik sukkassusilimmik, internetikkut attaveqarsinnaalissapput.

Nunavummi naalakkersuisut suliniummut 30 millionit canadamiut dollarsiinik aningaasaliipput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat