Canada naggueqatigiit Inuit aamma ullorsiortut

Nunatsinni inuiattut ullorsiorfitsinni, Canadami nunap inoqqaavi National Indigenous Peoples Dayimik tallugu ullumi aamma ullorsiorput.
Nunavuup erfalasua.
Allattoq Marianne Stenbæk, Montreal, Canada
juunip 21-at 2021 16:13

National Indigenous Peoples Day 1996-imi siullerpaamik nalliussineqarpoq, ukiullu tamaasa kingorna nalliussineqartarluni.

Ilaquttat ileqqutoqqallu eqqaallugit ullormi tassani nalliuttorsiortoqartarpoq, naggueqatigiit Inuit, First Nationsit Métisillu kulturiat pilugu Canadamiunut allanut oqaluttuarineqartarluni.

AAMMA ATUARUK Nipilersortartoq Neriusaarlu kulturilerisunut nersornaasiuttakkamik tunineqartut

Canadami nunap inoqqaavisa TV-qarfiat APTN nuna tamakkerlugu tusarnaartitisinermit sapaatit-akunnerata naanerani aallakaatitsivoq, naggueqatigiit Inuit erinarsortartui nipilersortartui tusarnaartitseqataallutik.

Natan Obed, Canadami naggueqatigiit Inuit suliniaqatigiiffianni Inuit Tapiriit Kanatami siulittaasoq, tusarnaartitsinerup nalaani inuulluaqqusisunut aamma ilaavoq.

Naggueqatigiit qasusuitsuullutillu tamaviaartuunerat Natan Obedip allaaseraa, naggueqatigiillu Inuit kulturiata Canadamiut allat peqatigalugit nalliusineqarnissaa pingaaruteqartoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq