Ottawap naalakkersuisuisa aningaasat taakkua annermik illersuutinik soorlu anersaartuutinut illersuutinik, kiinnamut assiaqutinik, atisanik illersuutinik assannullu tunillannartuiaatinik pisinermut atussagaat, Trudeaup tusagassiortunik katersortitsinermi ilanngullugu oqaatigaa.Assi: Blair Gable/Reuters/Ritzau Scanpix

Canada milliardilikkuutaanik nalilinnik illersuutisiniartoq

Canada 9 milliardit koruunit sinnerlugit nalilinnik illersuutisiniarpoq. Trudeau taama ilisimatitsivoq.

Canada coronavirusip nunarsuaq tamakkerlugu tunillaassuunnera peqqutigalugu anersaartuutinut illersuutinik kiinnamullu illersuutinik 9,6 milliardit koruuninik nalililinnik pisiniarpoq.

Canadami ministeriuneq, Justin Trudeau, tugassiortunik marlunngornermi katersortitsinermi taama nalunaauteqarpoq.

Canadami inuit 100-nit ikinnerunngitsut coronavirusimik toqquteqareersullu 8500-llu missaat tunillanneqareersullu taama nalunaaruteqarpoq.

Ottawap naalakkersuisuisa aningaasat taakkua annermik illersuutinik soorlu anersaartuutinut illersuutinik, kiinnamut assiaqutinik, atisanik illersuutinik assannullu tunillannartuiaatinik pisinermut atussagaat, Trudeaup tusagassiortunik katersortitsinermi ilanngullugu oqaatigaa.

AAMMA ATUARUK Canadap ministeriunera angerlarsimaannarniartoq: Nulia tunillanneqarsimasoq

Coronavirusip tunillaassuunneruleraluttuinnarnerata inuillu coronavirusimik tunillanneqarsimasut Covid-19-imut nakorsarneqarlutik uninngasut amerliartornerisa ilutigisaannik, illersuutit taamaattut nakorsanit peqqissaasunillu atorneqartartut Canadami napparsimmavinni amerlasuuni nungunnissaat ernummatigineqarpoq.

Canadami ministeriunerup oqarnera naapertorlugu coronavirusimut illersuutit pisiarineranniit tigunissaannut sapaatit akunnialunnik utaqqisinnaapput.

- Coronavirusip akiorniarneranut illersuutit assigiinngitsut nunarsuarmit tamarmit pissarsiariniapiloorneqarput. Taamaattumik Canadami taakkuninnga nammineq nioqqutissiortoqarnissaa pingaaruteqartoq ilisimavarput, Trudeau oqarpoq.

Isummersuutit