Canada-mi konsuuleqarfik nutaaq
Danmark siullermeerluni konsuuleqarfimmik Iqalunni ammaavoq. Konsuuleqarfik Canadami qallunaat aallartitaqarfiata immikkoortuatut taaneqarsinnaavoq.
Canadamiut nunanut allanut attaveqaataat Embassy naapertorlugu ukiup ataatsip ingerlanerani Nunavumi danskit pisortatigoortumik konsulaateqarnissaat pilersaarusiorneqarsimavoq.
Niuertarfiutilik Kenn Harper konsuulitut toqqarneqarpoq. Ukiut 30-t Canadap issinnerusortaani kiisalu Nunatsinni ukiut marluk najugaqarsimavoq.
Nukappiaraq Minik, Qaanaamiit New Yorkimut ukiut untritillit matuma siornatigut aallarunneqartoq ilaatigut atuakkiarinikuuvaa.
- Konsulaateqarfiup siunissami suliassaasa ilagaat Iqalunniit Nuummut toqqaannartumik timmisartumik angalatitsisalernissaq, Kenn Harper Embassy-mut oqarpoq.
