Ippassaq Canadamiut naalakkersuisui kiisalu inuit kattuffiat, Inuit Tapiriit Canada-mi – ITK – ataatsimoorlutik iliuussissaminnik pilersaarummik inuit Canadamiittut peqqinnerulernissaannik suleqatigiinnissaminnik atsioqatigiipput.
Isumaqatigiissutip imaraa Canadami Peqqinnissaqarnikkut Aqutsisoqarfik immikkoortortaqarfimmik allatut ittumik inunnik peqqinnissaqarnikkut sullissisussamik pilersitsissasoq.
– Taamaalilluni Peqqinnissaqarfimmi sullissineq tamarmi pitsaanerulissaaq – Inuillu peqqissussaannik ilisimatuussutsikkut misissuinissamut aningaasanik amerlanerusunik atuisoqarnissaanut aamma aningaasaliisoqarluni.
Canadamiut naalakkersuisortaavi ukioq kingulleq naalakkersuisuulersut siornatigut uparuartorneqartarsimapput peqqinnissaqarnikkut nunaqavissunik sullissiniarnermut aningaasanik atugassanik sipaarniuteqartarsimanerat pillugu, massakkullu isumaqatigiissutaasoq Inuit Taperiit Canadami præsident-iannit Mary Simon-imiit ilassilluarneqarluni tikilluaqquneqarpoq.
Isumaqatigiissutip atsiorneqarnerani Mary Simon oqarpoq, isumaqatigiissut inuit aammalu naalakkersuisut akunneranni pingaarutilimmik ukiuni aggersuni peqqinnissaqarnikkut suleqatigiilluni siuariartortoqarnissaanut
Aalajangiisuulluinnartussaasoq.
Ilimagineqarporlu inuit aammalu canadamiut naalakkersuisuisa akornanni isumaqatigiissutaasup inerneri ukiamiit sunniuteqarlualerumaartut.