Canada immap naqqatigut ilisimatuussutsikkut misissuissaaq

Canadap issittup imartaani ilisimatuussutsikkut misissuisarnini, ukiuni qulini ingerlassimasani, naggataarlugit aasamut misissuissaaq. Issittup imartaata naqqa annertoqisoq kia pigineraa piginnginneraaluunniit, misissuinerit takutissavaat.

Ukiormanna misissuinerni Qalasersuup eqqaa tamaanilu immap naqqani qaqqat misissuiffigineqarnissaat immikkut sammisarineqarpoq. Misissuinerni uppernarsarniarneqarpoq, taamaalilluni Canadamut attuumassuteqarnerat, aamma immap naqqata Canadamit pigineqarnera piumasaqaatigineqarniassammat.

Canadap piginnittuunissamut piumasaqaatiginiagaa Canadap nunataata sisamararterutigaa.

Danmark, Rusland aamma USA tamatumunnga assingusumik misissuisimapput, tamatumammi inernerata iluanaarutaasinnaassusia angisoorujussuusinnaammat. Immap naqqata ilangaatsiarsuanut piginnittussaatitaasunut, uuliamik gassimillu nassaartoqarnerani ineriartortitsinissamut tamanna pisinnaatitaaffiusinnaavoq. Uuliamik gassimillu qalluinermi iluanaarutit milliardit koruunerpassuusinnaapput.

Canadap immap naqqanut annertoorujussuarmut piginnittussaanera, ukiormanna misissuinerit, Naalagaaffiit Peqatigiinnut ilisimatuussutsikkut uppernarsassagaat, Jacob Verhoef, Canadamiut misissuineranni pisortaq, aviisimut National Postimut oqarpoq.

Naalagaaffiit Peqatigiit Immat atorneqarneri pillugit Isumalioqatigiissitaata 2014-imi ataatsimiinnissa sioqqullugu misissuinerit piareersimassapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat