Canada: Atuarfiit tusaamanerlutaasut pillugit misissuisoqaqqilersoq
Allagaatit nutaat nunap ilaani naalagaaffimmi British Columbiami saqqummiunneqartut naapertorlugit nunap inoqqaavisa meerartaat, meeqqat atornerlunneqarfigisartagaanni, tassa naggueqatigiit Inuit, indianerit metisillu meerartaat atuarfinni nerisaqarfiutigisuniitillutik, meeqqat toqusimasut 4.000-it missiliorneqarnerarput. Kisitsisillu taakku nunap immikkoortuani naalagaaffimmi ataasiinnarmeersuupput.
Meeqqat amerlanersaat kinaannerinik nalunaarsornagit ilineqartarsimapput, maannali meeqqat toqungasut tamakkua kinaassusersiniarneqalerput, taamaalillutik aqqi ilerrinut allanneqarsinnaaniassammata.
AAMMA ATUARUK Canada: Meeqqanik misileraanernut qulaajaanerit nutaat
Tamatuma peqatigisaanik CBC Newsimit oqaluttuarineqarluni niviarsiaqqat atuarfinni nerisaqarfiutigisuni kinguaassiuutitigut atornerlunneqarnermik kingunerinik meerartaaraangata meeraaqqat ateqanngitsut British Columbiami aamma ilineqartarsimasut.
Canadami nunap ilaani allani ilivernik assingusunik peqarpoq, meeqqallu taakku aamma kikkuuneri paasiniarneqassallutik.
AAMMA ATUARUK Canadami atuarfinni najugaqarfiutigisuni atuartuusimasut taarsiivigineqaqqittut