Minus 50 gradit angullugit issippoq, taamaammat biilertilluni kussinermut nakkaraanni inuunermut navianarsinnaalluni.Assi: Alec Couros/Flickr Creative Commons

Canada: Angutit pingasut qiuniarnatik biilertik ikuallattariaqarsimagaat

Minus 50 gradinik issittoq biilertilluni kussinermut marikkaanni qanoq taava iliortoqassava? Biilit ikuallatsiinnarneqarsinnaapput!

Canadap issittortaani Yukon Territoriesimi indianerit illoqarfianni Carmacksimi sapaatip-akunnerata kingulliup ingerlanerani issingaatsiarpoq, nunarsuarmi sumiiffinni issinnerpaanut ilaalluni.

Minus 50 gradit angullugit issippoq, assersuutigalugu biilertilluni kussinermut nakkaraanni inuunermut navianarsinnaalluni.

Lastbiilinik ingerlatsisoq Yves Lafond, Carmacksimit aqqusinikkut Klondikemukartukkut avannamut sapaatip-akunnerata massuma ingerlanerani unnukkut ilaatigut ingerlaarpoq, CBC-News taama allaaserisaqarpoq.

Aqqusernullu nalaani ikuallattoqartoq taassuma taarsuup ataani taava takulerpaa.

Tamanna tupigusuutigaa, ikuallattullu nalaanut pigami takuaa ikuallattoq tassaasut biilit usisinnaasut mikisut kussinermi tassani ikuallattut.

Angutillu qiulersut, ajunngitsulli pingasut, ikuallattup saniani nikorfasut taava aamma takulerpai.

Taakku akunnialunnguit sioqqullugu ingerlatillutik ajutoorsimapput kussinermullu nakkarlutik. Ikiortissarsiorsimagaluarput, issittorsuummalli utiinnartariaqarsimallutik.

Inuuneralli navianartorsiortutut nalilerlugu qiunnginnissartik pillugu aalajangerput biilertik ikuallatsiinnarniarlugu.

Yves Lafond, angutit pingasut taakku lastbiilimut ikitippai, nunaqarfiullu tullianut ingerlallugit, qerussorsimanertillu pillugu nakorsanit tassani passunneqarlutik.

Biilertik ikuallatsinnissaanut aalajangernertik pillugu qiusimanatik namminneq qularutiginngilaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat