- Sivisuumik anorleqattaartussaanera pissutigalugu pisoq ilungersunarluinnarpoq, silasiortoq David King Amerikap silasiorfianeersoq Los Angeles Timesimut oqarpoq.

Californiami orpippassuarni ikuallattoqartuarsinnartoq

Californiami angerlarsimaffiit suliffeqarfiillu millionit missaanniittut orpippassuit ikuallanneranni innaallagiaarussinnaapput.

Amerikami nunap immikkoortuani Californiami orpippassuarni ikuallaffiusumi sapaatiummat sakkortuumik anorlerpoq, tamannalu ikuallannerup siaruaatilertorneranik kinguneqarpoq.

Sonomap eqqaani illoqarfik Santa Rosa, San Franciscop Amerikap kitaata sineriaani inissisimasup avannaaniittoq, navianartorsiorfiusut ilagaat.

Ikuallanneq Kincademik taaguusinneqartoq 120 kvadratkilometerinit annertunerusumik siaruarsimavoq. Ikuallannerup 10 procentiata missaannaa Santa Rosap nalunaaqutaa naapertorlugu sapaatiummat ualikkut nakkutigineqarsinnaasutut nalilerneqarsimasoq qatserisartut ilisimatitsissutigaat.

Inuit 180.000-it qimagussorneqarnissaat kaammattuutigineqarpoq.

- Sheriffit allaffeqarfianneersuusugut eqqaamasavut malillugit inuit aatsaat taama amerlatigisut tamaanngaanniit qimagutitinneqarput. Mianersoqatigiikkisi, Sonomami sheriffit allaffeqarfianneersut Twitterikkut taama allapput.

Nalunaaquttap-akunneranut 130 kilometerinik anoraasuartarnera ikuallannerup siaruaatilertorneranik sakkortusilertorneranillu kinguneqarpoq.

Illut katillugit 77-it  - taakkunani inissiarsuit 31-t - arfininngormat eqqorneqarput.

- Orpippassuarni aatsaat taama annertutigisumik sakkortutigisumillu ikuallattoqarpoq, silasiortoq David King Amerikap silasiorfianeersoq Los Angeles Timesimut oqarpoq.

- Sivisuumik anorleqattaartussaanera pissutigalugu pisoq ilungersunarluinnarpoq, David King oqarpoq.

Angerlarsimaffiit suliffeqarfiillu 940.000 missaat sarfamik pilersorneqarunnaarneqassangatittut Californiami nukissiorfissuup, Pacific Gas and Electric Companyp, ilisimatitsissutigaa.

Pinaveersaartitsineq inuit 2 millionit missaat eqqugaanerannik kinguneqassangatinneqarpoq.

- Taama sakkortutigisumik anorlernera pissutigalugu innaallagissap aqqutai aserorataannaallutillu innaallarujussuarataannaapput, tamannalu orpippassuarni ikuallanneq ingalluni siarualertupallanneranik kinguneqarataannaasoq nukissiorfissuup nalunarutigaa.

Danmarkimi najugallit Californiamiittut Danmarkip nunanut allanut ministereqarfiata innuttaasunut sullissivianit mianersoqquneqarput.

- Orpipassuarni ikuallattoqarnerani sukkannersumik nakkutilliisoqarpoq, oqartussaat Twitterikkut taama allapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat