California aningaasaqarnikkut amigartoorujussuarpoq
Naalagaaffiup karsia 42 milliardi dollarinik amigartoorpoq, danskit koruuninngorlugit 248 milliardi koruuninik.
Karsip imaarulluinnarnera pillugu naalagaaffiup atorfeqartitai 20.000-it ullumi soraarsitaassasut, Danmarkip radioata nittartagaani dr.dk-mi atuarneqarsinnaavoq.
Californiap guvernøria Arnold Schwarzenegger akileraarutit akitsuutillu qaffannerisigut nunap aningaasaqarniarnerata ilorraap tungaanut saatinnissaa kissaatigisimagaluarpaa, tamannali akuerineqanngilaq.
Benzinap akitsuutaata qaffannissaa Arnold Swarzeneggerip ilaatigut siunnersuutigisimagaluaraa oqaatigineqarpoq. Akuerineqanngilarli.
Californiap filmiliortarfissuartut aamma ilisimaneqartup USA-p tamarmi aningaasanik kaaviiaatitaasa ilai 13 procentit kaaviaartittarpai, nunarsuarmilu nunat aningaasaateqarnerpaat qulingiluaralugu.
