Cairnip imermik seqqittaat atorsimannginnerarpaa
- Imermik seqqittaassuaq atorlugu seqqittarneqaraluarluni Kumi Naidoo Norgemeersoq akerliuniartartoq Ulvar Arnkværn peqatigalugu nalunaaquttap akunnerisa marluk matuma siorna uuliasiorluni qillerivissuarmut Leiv Eirikssonimut qallorput.
Taamatut Greenpeace ullumikkut tusagassiutinut nalunaaruteqarpoq. Ilaatigut taanna pissutigalugu Danmarkimi aviisip Politikenip imatut nipeqalersippaa Greenpeace-kkut qanoq iliuuseqarnerat seqqittaassuaq atorlugu unitsinniarneqarsimasoq.
Tamannali Cairn Energyp eqqunnginnerarpaa.
- Qillerivissuup qaavata salinnerani seqqittaassuaq atorneqarpoq, taamalu pisoqarnerani Greenpeace-kkormiut majuarput. Akerliuniarlutilli iliuuseqarniat pissutigalugu taanna unitsinneqartpoq, Cairn Energy-meersoq Elizabeth Adams oqarpoq.
