Cairn Qeqertarsuup avataani uuliasiortussanngorpoq
Naalakkersuisut tassataavannguaq saqqummiuppaat, uuliaarluertoqartillugu iliuuserisassat pingasunngorlugit agguataarnissaannut siunnersuut, tassani pingaarnertut piumasarineqarluni uuliamik mingutsitsisoqannginnissaanut upalungaarsimanissamut pilersaaruteqarnissaq.
Piumasaqaatit naapertorlugit, uuliaarluertoqarsimatillugu angallatit saliigasuartitassat pigineqassapput, uuliasiorfiup eqqaani sillimajuartitassat.
Aamma uuliamik mingutsitsisoqartillugu illoqarfinni soorlu Aasianni aamma Tuluit Nunaata kujataani saliisussanik piareersimatitsisoqartassaaq, qulimiguulik atorlugu tuaviortumik aaneqarsinnaasunik.
Misissuut 'Nordica' aamma pilersuisussaq 'Vidar Viking' Baffinip kangerliumarnanut tikereerput, tamaanimi misissuilluni qillerinerit aallartissapput.
