Cairn Energy Qeqertarsuup avataani uuliasiulerpoq
Qeqertarsuarmiit 175 kilometerinik avasissusilimmi imartap Sigguk-blokkimik taagukkap naqqani uuliasiortut qillerineri aallartipput.
Allattoq Najaaraq Egede
Misissuiffigisat marluk atserneqarsimapput Alpha 1 aamma T8, immami 300 meterit 500 meeterillu akornannik itissusilimmiittut.
Siunertaavorli immap naqqanit suli ammut 4200 meterit aamma 3250 meterit angullugit ititigisumut qillerisoqarnissaa.
Cairn Energy nalunaarpoq, qillerinerit ulluni 55-ini 38-nilu sivisussuseqassasut.
Misissuinerit umiarsuarsuit qillerissutillit Stena Don aamma Stena Forth atorlugit aallartinneqarput.
Imartaq Cairn Energyp misissuiffigisaata aapparisaa Sigguk-blokkimik taagukkap Danmarkimi qeqertat Sjælland Fynilu angeqqatigai.