Cairn Energy nutaanik qillerinissanut akueritissasorivoq

Greenpeacep akerliuniarnera apeqqutaatinnagu Cairn Energyp Kalaallit Nunaanni uuliamik ujaasinini pingaartippaa.
aggustip 16-at 2010 11:33

Uuliasiortitseqatigiiffiup Cairn Indiami suliaanni pappiaqqat nalillit akikilleriarujussuarnissaasa pisussanngornera uuliasiortitseqatigiiffiup Kalaallit Nunaanni ilungersuullugu qillerisitsiniarneranik tamanna nukittorsaassasoq, aviisi Berlingske Tidende allappoq.

Uuliasiortitseqatigiit Skotlandimi aviisit Herald Scotlandip aamma Scotsmanip allaaserisaat naapertorlugit pappiaraatimi nalillit affai tassa 51 procentit Indiami immikkoortortaqarfimminut Vedanta Rescources-imut tuninngersaavai.

Tuluit Amerikamiullu tusagassiorfii allapput Vedanta pappiaranik nalilinnik Cairnimut 46 milliardit koruuninik akiliissalluni piareersimasoq.

Ukiormanna Cairnip 3,2 milliardit koruunit qillerinissanut immikkoortippai aammalu Qeqertarsuup kitaaniinnaq qillerinissami uuliasiortitseqatigiiffiup nappartat 4 milliardit pissarsiarissallugit missiliuuppai.

Cairnip misiliilluni qillerinera maanna naammassivoq, uuliasiortitseqatigiiffiulli uuliamik nassaassaqarnersoq suli tamanut saqqummiutinngikkaa, Berlingske Tidende ullumi allappoq.