Café Ajamut ammaqqippoq
Københavnimi Kalaallit Illuani Løvstrædemiittumi, Café Ajamut, qaammatini arfineq-pingasuni allanngortiterneqareerluni ullumi ammaqqippoq.
Nuannanneq marlunngorlugu avinneqarsimavoq.
Café Ajamut pisortatigoortumik ualeru ammarneqassaaq, tamanullu ammasumik unnugu ammaanersiortoqassalluni.
Kalaallit nipilersortartut isiginnaartitsisartullu pisortatigoortumik ammaanersiornermi inunnut 300-t missaanni amerlassuseqartunut aliikkusersuissapput. Savap tuttullu neqaat siatat nunatsinneersut naatitalerlugit sassaalliutigineqassapput.
Nina Kreutzmann, Malik Hegelund Olsen, Aviaja Lumholt nivissallu Stjerneskibemeersut nipilersorlutik aliikkusersuissapput, isiginnaartitsisartorlu Axel Raahauge aliikkusersuissaaq.
Café Ajamut-p allanngortiterneqarnera 8 millioni koruuninik akeqarpoq. Pisortap Inger Bruunip allanngortiterinerup naammassinera nuannaarutigaa,
aammali oqarluni cafép pisatsersornissaanut aningaasanik amigaateqarlutik.