Bárðarbunga innermik anitseqqajaavoq
Aarlerisaarutip aappaluttuunera pissutaalluni qaqqap innermik anitsisartup eqqaani tamarmi silaannakkut angalaneq inerteqqutaavoq, Islandimiut radioat taama nalunaarpoq.
Taanna Islandimi aarlerisaarutit tallimaasut qaffasinnersaraat
Islandimi mittarfeqarfiit matuneqanngillat.
Aarlerisaarut nassiunneqarpoq qaqqap innermik anitsisartup Bardarbungap avannamut kangisinnerusortaani lava annikitsoq aniasoq takuneqarmat.
Sapaatit akunneri kingulliit arlaqartut ingerlaneranni nuna annikitsunik sajuttarpoq sajuppillattarnerillu taakkua qaqqap innermik anitsisartumut sajuppillatsitsisarput.
Nunap sajunnerani sakkortunerpaagami richterip nunap sajunneranut uuttuutaa malillugu 4,5 -nik sakkortussuseqarpoq.
Qaqqaq innermik anitsisartoq sermip Vatnajokullip ataaniippoq.
Qaqqap innermik anitsisartup avannaani najugaqartut pisortanit allamut nuunneqarput tamannalu angallavigineqarnissaa inerteqqutigineqalerpoq qaqqap innermik anitsisartup sakkortuumik innermik anitsinissaa ernummatigineqarmat.
Qaqqaq innermik anitsisartoq sakkortuumik innermik anitsissagaluarpat silaannakkut angallannikkut annertuumik kinguneqarsinnaavoq soorlu sermeq Eyjafjallajökull 2010mi innermik anitsimmat taama pisoqartoq.
Immikkut ilisimasaqartut maana nalililerpaat, Bardarbunga innermik anitsiguni 2010mi innermik aniatitsisoqarneranut sanilliullugu arsanik taama annertutigisumik aniatitsinavianngitsoq.
Qaqqaq Bárðarbunga kingullermik innermik anitsivoq oktoberip qaammataani 1910-mi.