Brian Buus PedersenAssi: Simon Uldum/KNR

Buus Tanbreez pillugu: Sungiussisimanngitsutut sulineq

Australiamiut aatsitassarsioqatigiiffiata Tanbreezip Killavaat Alannguanni piaaniaruni aallaqqaataanit qinnuteqarnissaanik tusagassiorfitsigut nalunaarfigineqarsimanera, Kalaallit Nunaanni sulisitsisut peqatigiiffiata pisortaata 'suliassamik sungiussisimanngitsutut sulinertut' taavaa.

Taama iliorneq isumaqatigiinniarnernut tatiginninnginnertut taavaa, nunani allamiullu aningaasaleerusussinnaagaluannik kajumerunnaarsitsisinnaalluni.

Kujataaniittumi Killavaat Alannguanni aatsitassarsioqatigiiffimmut Tanbreezimut tusagassiuutit aqqutigalugit nalunaaruteqarneq assut isornartoqarpoq.

Kalaallit Nunaanni sulisitsisut Peqatigiiffianni GE-mi pisortaaneq, Brian Buus, KNR-imut taama oqarpoq.

- Suliap ingerlanneqarsimanera ilisimanngikkaluarlugu oqaatigiinnarsinnaavarput, Tanbreez tusagassiuutit aqqutigalugit nalunaarfigineqarsimavoq. Tamanna suliassamik sungiussisimannginneruvoq. Taama iliortoqartanngilaq.

AAMMA ATUARUK VIDEO Tanbreezip isornartorsiuinera Uldumip inissaminiinnginnerarpaa



Qinnuteqaateqaqqinnissamik piumasaqarneq
Naalakkersuisut sapaatip akunnerata siuliani tusagassiuutinut nalunaaruteqarput, Tanbreez aatsitassarsiorsinnaanissamut aallaqqaataaniit qinnuteqassasoq, Killavaallu Alannguanni avatangiisinik aallaqqaataaniit misissuissalluni.

Taama pisoqarpoq, aatsitassarsioqatigiiffiup paasisimammagu aatsitassat qaqutigoortut piiarneqarsinnaasut ilimagisamiit pingasoriaammik annertunerusut.

AAMMA ATUARUK Naalakkersuisoq: Inatsisit maliinnarpavut

Soorunami aatsitassarsiornissamut pilersaarutit malinneqassapput, Brian Buus oqarpoq. Kisianni:.

- Soorunami inatsisit malinneqassapput. Tamanna kialuunniit nalornisiginngilaa. Pilersaarutaasimasulli allannguuteqarpata issiaqatigiilluni oqaloqatigiittoqartarpoq qanoq ililluni suliaq tamatta iluatitsilluartussatut kissaatigisarput ingerlaqqissanersoq, Kalaallit Nunaannilu ineriartortitseqataalluni suliffinnillu pilersitsiffiulluni.

AAMMA ATUARUK Naalakkersuisut aatsitassarsiortitseqatigiinnut nikallortitsivoq


Aningaasaliisartunik ernumalersitsisinnaasoq

Brian Buus isumaqarpoq aningaasaliisussat aatsitassarsioqatigiillu qimarratsinneqarsinnaasut, isumaqatigiinniarnerit aqqutiginagit pingaaruteqarluinnartut  tusagassiuutit aqqutigalugit nalunaarutigisarniaraanni.

- Unammillertorpassuit akornanniippugut. Aningaasaleerusuttut soqutiginnilersinniarutsigit naleqqussartariaqarpugut. Eqqaariikkattulli pisoqartartillugu - unammileqataajunnaartarpugut - Kukkuluttornertut taatigu. Aatsitassarsioqatigiiffiilli akornanni taama iliorneq kukkunerujussuartut isigineqarpoq. Taama iliortoqarneq ajorpoq, Brian Buus oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat