Bussinit aportittoq

Ajutoorneq ippassaq unnukkut arfineq pingasut qeqqata missaani pivoq.

- Aqqusineq masakkami, bussillu qullii aqqusernup masattup sakkukillisissimagamigit, bussinillu ingerlatsisup tassanngaannaq takulerpaa, arnaq pisuinnaat aqqutaani nalasoq nissuni aqqusinermut biilit angallaffiannut siaartillugit, Frank Liltorp oqarpoq.

Bussinik ingerlatsisup periataarnissaminut periarfissaqanngitsup, arnap niui, bussit assakaasuinik siullernik kingullernillu aqqusaarlugit ingerlavoq. Qujanartumilli tamanna sangoriami pimmat, bussit arriitsumik ingerlapput.

Tupinnaannartumik kalaallip arnap 54-inik ukiullip nissuni napinngilai, annerusumillu ajoqusernani, taamaallaat annerujussuaannarluni.    

Arnaq imigassartungaatsiarsimasoq paasinarsivoq, tassami aaversinnermigut 3,5 promillemik imigassartorsimasoq paasineqarmat.

- Imigassartungaatsiarsimanera annerusumik ajoqusinnginneranut patsisaasinnaavoq. Tassami taama atsigisumik imigassartorsimagaani, nukiit qasukkarsimasorujussuusarmata, tamannalu iluaqutigisimasinnaavaa, Bent Højgaard, Jyllandip politiivineersoq, nittartakkami Nordjyske.dk-mi taama issuarneqarpoq.