Bussi takornariarianik angallassisoq ajutoortoq
Tysklandimi illoqarfiit pingaarnersaata Berlinip qanittuani bussi ullumi ajutoormat inuit ikinnerpaamik aqqaneq-marluk ajunaarput 30-llu aqqunartiterlutik. Bussimut ilaasut tassaanerusimapput inuusuttuaqaat Spaniami feeriarsimasut.
Politiit oqarnerat naapertorlugu polenimiut bussiutaat takornarianik angallassisoq motorvejikkoortilluni biili tungiminut ingerlasoq apungajallugu sangupiloorami ajutoorpoq.
Ajunaartut aqqaneq-marluk saniatigut ikinnerpaamik 30-t aqqunarsimapput, 16-it aqqunartiterujussuarlutik.