Busserneq suli 15 kroneqassaaq
Nuup Bussii A/S-ip ingerlatsinermut tapiissuteqarfigineqarnissaa Kommuneqarfik Sermersuumi kommunalbestyrelse marlunngormat ataatsimiikkami akuersissutigaa, suliffeqarfik ilaasunut akigititaminik taamaalilluni qaffaannginniassammat.
Aningaasarsianut ikummatissanullu aningaasartuutit ilaatigut annertusiartuinnarmata, ingerlatseqatigiiffik ilaasunut akigititaminik qaffaanngippat, imaluunniit ingerlatsinermut kommunimit tapiiffigineqanngippat, 700.000 koruunit missaannik 2012-imi amigartooruteqarnissaq bussiutileqatigiiffiup nalilerpaa.
Tamanna tunngavigalugu Nuup Bussii A/S ingerlatsinermut 700.000 koruuninik kommunimit tapiiffigineqarpoq, bilitsillu 2012-imi akitsornissaat atuisut taamaalillutik ernummatigisariaqanngilaat.
Nuummi bussinut ilaaneq ullumikkut 15 koruuneqarpoq.