Buship McCain tapersersorpaa
John McCain ippassaq præsidentinngorniunnermi iluatsilluarnerarneqarpoq.
-John-i assut sapiippoq, aalajaassuseqarpoq assullu uteriippoq, præsidentilu pisariaqartitarput tassa taamaaqqissaartussaavoq, Præsident Bush McCain pillugu taama oqarpoq. Taakku marluullutik aamma 2000-mi præsidentinngorniunnermi unammipput.
Ippassaq præsidentip illorsuani ataatsimiittoqarnerani Præsident Bush John McCain pillugu oqarpoq McCain angutaasoq aalajangigassanik imaannaanngitsunik aalajangiisinnaassuseqartoq pisunullu navianaateqarsinnaasunut tunuartertuunngitsoq.
Taamatuttaaq John McCain ippassaq ataatsimiinnermi oqarpoq præsidentiujunnaartussamik tapersersorneqarluni qineqqusaarnini isumalluarnartuusoq.
Politik-imilli alaatsinnaatsut oqalupput, John McCain sapinngisani tamaat qineqqusaarniaannarluni præsident Buship pissaaneranut pituttorniarpallaartariaqanngikkaluartoq tassami præsident Bush qinersisartunit amerlaqisunit tatigineerutereermat.
