Bush puukkaluttuinnarneraraat

Annerusumik minnerusumilluunniit amerikamiut præsidentiat George W. Bush puukkaluttuinnarunarpoq.

Amerikamiut præsidentiata Buship Irak-imut sakkutuunik 20.000-inik unnuaq manna sakkutuuleeqqinnera pillugu

Danskit folketingimi ilaasortaatitaat illuatungiliuttut taamatut qisuariaateqarput.

Danskit politikkikkut illuatungiliuttui uparuaapput præsidentip taama iliornera juulli sioqqutilaarlugu nalunaarusiamut Baker Hamiltonimut toqqaannartumik assortuisuusoq. Nalunaarusiarlu taanna imaqarpoq nunanut aaqqiagiinngiffiusunut sakkutuuliinikkuunngitsoq politikkikkulli suleqatigiinnerulernissamik oqariartuuteqarnermik.

- Tamanna pakatsinaqaaq præsidenti allanut tusaajumanngitsuuvoq kukkussutiminillu ilikkassanani. Nalunaarusiaq Baker-Hamilton ajunngitsumik oqariartuuteqartoq præsidentip pissarsiarereeraluarpaa, Helle Thorning Schmidt oqarpoq.

Taamatuttaaq radikalet præsidentip taama iliornera iluarinngilaa.

- Tamanna kukkunerujussuuvoq, alloriarneq tamanna aalersuutilernermut alloriarneruvoq politikkikkullu aaqqiiniarnerunani, taama oqarpoq radikalit nunat allat pillugit oqaaseqartartuutitaat siusinnerusukkullu nunanut allanut ministeriusimasoq Niels Helvig Petersen.