Bush nuannarineqarnerulerpoq
aggustip 22-at 2006 07:30
Peqqarniisaarnerit ajoraluaqisut aamma ajunngitsumik nassataqartarput. Tamanna amerikamiut præsidentiata George Bush-ip malugilluarpaa. Tuluit Nunaanni peqqarniisaarniartartut 24-t tigusaareersullu George Bush-ip nuannarineqarnera 5 procentimik qaffassimasoq isumasiusitsinerit takutippaat.
Qaammatip uumap aallartinneraniit George Bush-ip qinersisartunit nuannarineqarnera 37 procentimiit 42 procentimut qaffassimavoq. Nuannarineqarnerulerneralu peqqarniisaarnianik tigusarinnittoqarneranik peqquteqartoq, politikkikkut immikkut ilisimasalik Gary Jacobsen University of California-meersoq oqarpoq. Pisoq peqqarniisaarniartartoqarneranik inunnut eqqaasitsisarpoq tamannalu Bush-ip oqaatigiuartarpaa, ilisimatooq nassuiaavoq.
