Bush kiisami oqaaseqarpoq

Danskit aviisianni Jyllands-Postenimi Muamaamik titartakkat Kangiani Qiterlermi eqqissiviilliornernik pilersitsimmatali USA-p præsidentia George W. Bush pisunut aatsaat oqaaseqarpoq.

-Nunani tamani eqqissiviilliornerit oqartussaasut ingalassimatinniartariaqarpaat - USA-p præsidentia George W. Bush Jordanip kunngianik Abdullah-mik ullumi oqaloqateqarnermini oqaaqqissaarivoq.

Naapeqatigiinnerup kingorna Kangiani Qiterlermi eqqissiviilliornerit tusagassiortunik katersortitsinerminni sammivaaat.

-Tusagassaqartitsiviit naqisimaneqaratik saqqummisisinnaanerat innarlerneqarsinnaanngitsoq oqaatigiitigalugu assersuusiuppaa USA naalagaaffiusoq upperisat assigiinngitsorpassuit tunngavigalugit pilersinneqarsimasoq, namminermiillu allaanerusumik upperisallit ataqqisariaqarnerarlugit.

Jordanip kunngiata Abdullahp Muamaamik quiassuaatiginnilluni titartakkat assuarai, eqqissisimasumilli oqaloqatigiinnikkut anigorniagassaanerarlugit.

Danskinik tapersersuinerup amerikamiut kangiani qiterlermi eqqissineqarnissaanik suliniutaannut innarliisinnaanera, USA-p aallartitaasa maanna annilaanngatigilerpaat.