bush-i akerleraat

Latinamerikamik ikiuiniarluni USA-p præsidentiata, George Bush-ip angalanera, nunami tassani innuttaasunit amerlaqisunit akerliussutsimik takutisinertalimmik pisoqarfiuvoq.

Præsident Bush-ip naapitassaata ilaat Mexico-mi illoqarfimmi Merida-mi pisuujunerpaat ilat pilersorlu, akerliussutsimik takutitsisut politiillu aporaattarneri, aqqusinermi takussaapput.

Aporaannermi ikinnerpaamik inuit 20-t ajoquserput, inuillu 23-t tigusarineqarlutik.

Præsident bush-imut akerliuneq inuinnarnit pineqanngilaq, aammali Mexico-p præsidentia Felipe Calderon USA-p naalakkersuisui uparuarpai.

USA Mexicollu akornanni qammarsualiorneq Calderon-ip uparuagaasa ilagaat.

Bush-ip Brasiliamut, Uruguay-mut, Colombia-mut, Guatemala-mut, Mexico-mullu angalanermini ersersinniaraluarpaa, nunat taakkua isumaginninnikkut aningaasaqarnikkullu, siuarsaaqataaniarluni USA ikiuunniartoq. Taamatulli oqariartuuteqarnera tusaaniarneqarpallaarsimanngimmat, inunnik kamaqqaqisunik akerliussutsimik takutitsinerpassuit ingerlanneqarput.