Amerikami aningaasaqarniarnikkut ajornartorsiorneq pillugu sioorasut eqqissisarniarlugit præsident George W. Bush ullumi neriulluarsaarivoq. Præsidentip oqalugiarnini aallarnerlugu Aningaasaqarnermut ministereqarfiup qitiusumillu aningaaseriviup, aningaasaqarniarnerup ilorraap tungaanut aallartinnissaa anguniarlugu siunnersuutaasa inatsisartunit piaartumik akuerineqarnissaa kaammattuutigaa. Benzinap akitsoriartornera aningaasanillu akiitsullit ernianik akiliiniarnerminnik ajornartorsiornerat præsidentip nassuerutigigaluarlugu, aningaaseriviit aataatsimut isigalugit ajornartorsiunnginnerarpai.