Burmami akerliussutsimik takutitsisut aallarteqqipput

Burmap illoqarfiisa pingaarnersaanni Yangoonimi akerliussutsimik takutitsinerit aallateqqissimasut tusagassiorfiit arlallit nalunaarput. Akerliussutsimik takutitsisut politiillu aporaapput. FN-ip aallartitaa Burmamut tikissimavoq, nunarsuarmilu sumiiffinni assigiinngitsuni akerliussutsimik takutitsisoqarluni.

Ullaap tungaani eqqissisimaneqariarluni sakkutuut nunamik pissaanermik tigumminnittunut akerliuneq illoqarfimmi Yangoonimi aallarteqqippoq, naalagaaffiit peqatigiit immikkut Burmamut aallartitaat Ibrahim Gambari Burmamut tikittorlu. Yangoonip illoqarfiata qiterpasissuani inuit untritillit arlallit katersuupput, takunnittullu oqaluttuarnerat malillugu akerliussutsimik takutitsisut isumannaallisaanermik sakkutuut sakkutuunillu illersuisunit unguneqarsimapput, tusagassiorfik BBC taamatut nalunaarpoq. Akerliussutsimik takutitsisut suaartarlutik nilliapput politiillu akornusersorniarsimallugit. Sulili aallaasersortoqarsimanngitsoq tusagassiorfiit nalunaarput. Burmami pisut akerleralugit, nunarsuarmi assigiinngitsuni akerliutsumik takutitsisoqarpoq, ilaatigut Indiami New Delhimi, Tokoymi, Bruxellesimi Berlinimi Københavnimilu. Naalagaaffiit Peqatigiit aallartitaat Ibrahim Gambari ualimut Burmap illoqarfiisa pingaarnersaannut Naypyidaw-ip tikippoq, Burmami sakkutuut nunamik tigumminnittut oqaloqatigiartorlugit.

København-imi akerlissutsimik takutitsisut 200-it missaanniittut Rådhuspladsimi katersuuput. hundredit missaanniittut Burmamit qimaasuupput, amerlaqataallu tapersersuillutik akerliussutsimik takutitseqataapput. 70 –it Jyllandimit Købehavniliarput 16 –it bornholmimit.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat