Musliimit arnartaasa isaat kisiisa nuisasussanngorlugit atisaliaq, burka, atorlugu biilertarneq inerteqqutaasariaqartoq, Dansk Folkepartiip illersornissaq pillugu oqaaseqartartua Hans Christian Skibby-p piumasarilerpaa.
- Atisaliaq burka hiistit sanimut qiviarnaveeqqutaannut assersuunnarpoq, taamaattunillu atisallit sukkavallaamik biilersimassagunik unitsinneqarlutillu ilisarineqarsinnaanavianngillat, Hans Christian Skibby oqarpoq.
Hans Christian Skibby-lli atisaliamik burkamik atorlutik biilertut ajornartorsiutaasimanerinik eqqaamasaqannginnerariarluni nangippoq:
- Danmarkimi nunasisut upperisartik tunngavigalugu innuttaasunut akuliunneqarnissartik taamaalillutik ajoquserujussuassavaat. Danmarkimi biilerlutik angalaniarunik ulorianarpallaaqaat isigiarsuttutummi oqaatigineqarsinnaapput, Hans Christian Skibby oqarpoq.