BSU-mut akiitsullit ikiorniarneqalerput
BSU aqqutigalugu illumut taarsigassarsiallit akiliisinnaassutsimikkut ajornartorsiuteqartut 1800-t illuminniit anisitaanissaat pinngitsoortinneqassappat, akiligassaannik oqilisaanneqartariaqartut Ineqarnermut Naalakkersuisoq Jens Napaattooq oqarpoq.
Inissialiornermut tapiissuteqartarnermut atatillugu inatsisartut peqqussutaata allanngortinnissaa Ineqarnermut Naalakkersuisup Upernaamut inatsisartut ataatsimiilerpata siunnersuuteqarfiginiarpaa.
BSU-mut taarsigassallit 1800-juusut akornanni akiitsut taarserneqarsinnanngitsut katillugit 130.mio.kr.-niupput. Taarsigassalinni 23 procentit 128.000 kr.-nit ataallugit ukiumut isertitaqartarput. 128.000 kr.-nit ataallugit isertitaqartartut akiitsuinik isumakkeerinniffigineqarnissaat Ineqarnermut Naalakkersuisup Jens Napaattuup inatsisartut ataatsimiilerpata siunnersuutiginiarpaa.
- 128.000-kr-niit 180.000 kr.nit tungaanut aningaassarsisartut akiligassaminnik sinneruttumut isumakkeerneqarnissaanut qinnuteqarsinnaanngorlugit aaqqiiviginiarpagut.
Ineqarnermut Naalakkersuisoq Jens Napaattooq oqarpoq inuit akiitsunissimasut tassaasut suliffeerussimasut utoqqalinersiallit allallu aningaasarsiorsinnaanermikkut ajornartorsiuteqartut.
Inatsisartut upernaamut ataatsimiinnissaat apriilip 15-ani aallartissaaq.