Assi: Pernille Ingebrigtsen/Arctic Frontiers 2016

Bruxellesimi sinniisoqarfimmi sulisut ajunnginneri Vittup eqqissiallaatigaa

Nunanut allanut naalakkersuisup Vittus Qujaukitsup tusagassiorfinnut nalunaaruteqarluni ilsimatitsissutigaa Bruxellesimi Kalaallit Nunaata Sinniisoqarfiani sulisut tamarmik ajunngitsut, aammalu isumannaallisaanermi inissisimanerat Danmarkip sinniisoqarfiata siunnersortaannut qanimut ataqatigiissaarneqartoq.

Piffissami aggersumi arlalinnik saassusisoqarnissaa mattunneqarsinnaanngilaq. Belgiami ajortumeeriniat saassusseqqinnissaannut upalungaarsimanerup annertussusaa ullaaq manna aatsaat taama annertutigilerlugu inissinneqarpoq. Nalunaarutigineqarpoq Frankrigimut aamma Hollandimut killeqarfiit matuneqartut, Vittus Qujaukitsoq oqarpoq nangillunilu:

- Kalaallit Nunaanni uagutsinnut nutaarsiassat aalassannarput. Eqqugaasut ilaqutaallu eqqarsaatitsinniipput. Bruxellesimi Sinniisoqarfitsinni sulisuvut, ullaaq manna sumiiffiit saassussivigineqartut saninnguanniittut, ullumi eqqarsaatigaakka.

- Sulisuvut ajoqusersimanngimmata eqqissiallappunga, aammalu ulluni aggersuni immikkut immitsinnut paarilluassasugut kaammattuutigaara, Vittus Qujaukitsoq taama naggasiivoq.

Kalaallit Belgiamiittut nukinginartumik pisariaqartitsilerunik Danmarkip nunanut allanut ministereqarfiata nunarsuarmi nakkutiginnittoqarfia uani + 45 33 92 11 12 / bbb@um.dk attaveqarfigissagaat siunnersorneqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat