Assi: Kathrine Kruse

Ilulissat: Brugsenissaq sanaartortitsisumut tunniunneqartoq

Kalaallit Nunaanni Brugsenip Ilulissani pisiniarfissaanut matuersaatit sanasunit sanaartortitsisunut tallimanngormat tunniunneqarput. Pisiniarfik apriilip 30-ani ammassaaq.

Kalaallit Nunaanni Brugseni, 90-kkut aallartinneranni Ilulissani niuertarfiutigisimasaminik matusisariaqarsimasoq, Ilulissani niuertarfiutissaminut matuersaatinik tallimanngornermi tunineqarpoq.

- Ilulissat takorloortuarsimavarput. Ilimagivara pisiniarfigisimasatta matusariaqarsimanera anniarineqartuarsimasoq. Susanne Christensen, Kalaallit Nunaanni Brugsenimi pisortaaneq oqarpoq.

Brugsenissaq tamakkerluni 5800 kvadratmeteriusoq, niuertarfittassaa 2000 kvadratmeteriussaaq.

- Toqqorsivissat sapinngisamik annertutinniarsimavugut, taamaalilluta piffissap ilaani umiarsuaqarsinnaannginnerani nioqqutissaateqarsinnaasarniassagatta, Susanne Christensen oqarpoq.

Niuertarfimmik nutaamik sananeq 150 millionit koruuninik akeqarpoq, taassumalu saniatigut Kalaallit Nunaanni Brugseni niuertarfiup pisortassaata illussaanik kiisalu sulinut inissianik 12-nik sanatitsivoq.

- Matumanilu pinngitsoorusunngilanga sulisorpassuavut pikkorissut qujaffigissallugit, minnerunngitsumillu pisisartugut ilaasortagullu suliniummut uunga tapersersuisimammata, Susanne Christensen oqarpoq.

Kalaallit Nunaanni Brugsenimit Ilulissani niuertarfissaq 50-it missaanik sulisoqassasoq naatsorsuutigineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat