Brugsenip sullisai Røde Korsimut

Ajunaarnersuarmi ikiorsissuutissatut Kalaallit Nunaanni Brugsenip, KNB-ip sulisumi sullisai Danmarkimi Røde Korsip genbrugscenterianut  nassiuppai.

Brugsenimi sulisut upernaaq manna sullisitaarput. Taamaalilluni sullisaasimasut amerlaqisut atorunnaarput. Tassalu kavaajaaqqat fleecet, ilullit t-shirtillu.

KNB-ip pisortaa Susanne Christensen oqarpoq, atisat pitsaasuusut ilaallu nutaajusut.

-Ikuallaavimmut igiinnarnagit aalajangerpugut, pisariaqartitsisunut ikiorsiisartunut Danmarkimi Røde Korsimut nassiunniarlugit, oqarpoq.

Danmarkimi Røde Korsip genbrugscenteriani pisortaq Claus H. Nielsen oqarpoq, sullisit Europap avataani ajunaarnersuaqarfinnut nassiunneqarumaartut.

-Imaassinnaavoq Afrikamut, Ruslandimut nunamulluunniit allamut nassiukkigut. Sumi pisariaqartitsisoqarnersoq peqqutaatillugu. Ajunaarfissuarnut nassiuttakkatsinnut ilaassapput, oqarpoq.

Susanne Christensenip ilisimatitsissutigaa, sullisit nassiussat 15 pallemiissinnaasut Brugsenillu ilasarnaataanik meqqeqartut.