Brugsenip saavani savimmik kapisisoqartoq
Angut angummut allamut kapisisimasoq, Nuummi politiinit sisamanngornermi ualikkut tigusarineqarpoq.
![](/sites/default/files/styles/image_934x467/public/article_images/kniv_overfald_colourbox_10.jpg?itok=vb6i2hC1)
Allattoq Inge S. Rasmussen
Angutit inuusuttut marluk Nuummi Brugsenip saavani sisamanngornermi ualikkut savilersortoqarnerani attuumassuteqarput.
Angut 20-t ataallugit ukiulik talimigut kapineqarpoq, tamatumalu kingunerisaanik angut 20-t sinnerlugit ukiulik politiinit tigusarineqarluni.
- Nalunaaqutaq sisamat qaangilaaraa politiinut nalunaarutiginnittoqarpoq, politiini pingaartut pisortaat, Brian Thomsen KNR-imut oqarpoq.
Pineqartorli naviarnartorsiunngitsoq erseqqissaatigalugu.
Tigusarineqartoq inatsit tunngaviusoq naapertorlugu aqagu tallimanngornermi killisiorneqassaaq.