Brugsenip mikroovnikkut popcorniliassat nioqqutigiunnaarai
COOP-ip taamatullu aamma Brugsenip mikroovnikkut popcorniliassat nioqqutigeqqikkusunngilaat. Ilisimatuut naliliinerat naapertorlugu, nioqquttigineqartut puuat akuutissanik ulorianartunik flourinik akoqarpoq taakkulu hormoninik ajoqusiisinnaapput, kræftilissutaasinnaallutik, naartumik katatsisisinnaallutik timillu akiuussutissaanik innarliisinnaallutik.
Ilisimatuut ilisimaneqarluartut aammalu oqartussat popcornit puuat akuutissanik flourinik akoqarnerat ernummatigalugu nalunaaruteqaqqammerput.
Aammattaaq Syddansk Universitetimi ilisimatuut misissuinerisa takutippaat arnat aammikkut akuutissamik flourimik peqarpallaartut naartuminnik katatsinissaminnut qaninnerulersartut.
Taamaammat mikroovnikkut popcorniliassat Brugsenip nunatsinni niuertarfiutimini nioqqutigiunnaarniarlugit aalajangerpoq.
Qangatuulli igamut uulia imaluunniit palmini atorlugu popcorniliornissaq suli periarfissaavoq.