Brugsenip Martin Møller tapersersorpaa

Ujakkaartartoq Martin Møller tapersersorniarlugu Kalaallit Nunaanni Brugsenip ukiuni pingasuni atuuttussamik isumaqatigiissuteqarfigaa.

Martin Møller Ruslandimi Sotjimi siorna ukiukkut OL-ertoqarnerani peqataasoq 2018-imi OL-ertoqarnissaanut peqataajumalluni maanna sungiusaleruttorpoq.
 
- Kalaallit Nunaannilu Brugsenip aqqutaa tamaat tamanna peqataaffigiumavaa, pisortaq Susanne Christensen oqarpoq.
 
Peqqissuuneq Kalaallit Nunaanni Brugsenip pingaartitaasa ilagaat, tapersersuinissamillu isumaqatigiissuteqarnitsigut peqqissumik inooriaaseqarneq pillugu ilitsersuinermik, sinerissami pisiniartartutsinnut ilaasortatsinnullu timersornikkut aaqqissuussinernik kiisalu sulisorisatsinnut aaqqissuussinernik ingerlatsisoqartarnissaa naatsorsuutigaarput.
 
Martin Møllerip tapersersorneqalernerminut atatillugu oqaatigaa sungiusartarnini annertusarlugu ullormut marloriarluni sungiusartalersimalluni.
 
- Taamatut tapersersorneqarnikkut akissarsiutigalugulu sungiusarsinnaalerpunga.
 
Tapersersuinissamik isumaqatigiissut 2018-imi ukiukkut OL-ertoqarnerata naanissaata tungaanut atuutissaaq.
 
Martin Møller nunarsuaq tamakkerlugu pissartanngorniunnernut tallimanut 2014-imilu OL-ertoqarneranut ilaatigut peqataasimavoq. Peqatigitillugu aamma marathonerluni oqilaniunnermi nunatsinni rekordeqarpoq seniorillu unammersuartarnerini 55-eriarluni ajugaasarsimalluni, ujakkaarnermi, rulleskinik oqilaniunnermi marathonimilu.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat