Brugsen siulittaasortaarpoq
Akaaraq Samuel Olsen, Sisimiuneersoq, tupinnaannartumik ukiuni 40-ersuarni Brugsenimi sullissereerluni utoqqalilluni tunuartoq taassuma taarserpaa.
Ib Lennert Olsen Kalaallit Nunaani Brugsenit siulersuisui siullerpaamik ataatsimeersuartinneqarmata qinerneqarpoq. Nunatsinnimi Brugsenit arfineq-marluusut 30.000-nillu ilaasortallit sinniisaat aatsaat siullerpaamik ataatsimeersuartinneqarput.
Ib Lennert Olsenip siulittaasunngornerata saniatigut siulittaasup tullersortaatut Sivert Olsen Nuummeersoq qinigaavoq, taassumunngalu tullersortissaatut Arne Lund, Qaqortumeersoq, qinerneqarluni. Siulersuisuni ilaasortat sinneri tassaapput Lars Jørgen Kleist, Sisimiuniit, Karla Egede Bisgaard, Narsamiit, Frederik Petersen, Paamiuniit kiisalu Aalibaaraq Kreutzmann Maniitsumeersoq.
