brugsen-ip siulersuisui isumasioqatigiilerput

Brugsenip siulersuisui isumasioqatigiilerput.

Kalaallit Nunaanni Brugsenit arfineq-marluk siulersuisui sapaatip-akunnerata naanerani Narsarsuarmi isumasioqatigiissapput.

- Isumasioqatigiinnermi pitsaanerusumik kiffartuussisinnaanerput eqqartussavarput. Maannakkut ingerlatsineq ajorinngikkaluarlugu pitsaanerusumik ingerlatserusuppugut, Brugsenit siulersuisuini siulittaasoq, Arne Lund oqarpoq nangillunilu:

- Taamatut ingerlalluarnerput akitsiullugu sinippaassagaluarutta ineriartornerup qaangertussaavaatigut. Taamaattumik alloriarnermik ataatsimik marlunnilluunniit siulliujuaannarnissarput eqqarsaatigalugu taamatut katersortitsivugut. Tassanilu ilaasortanut pisiniartartunullu pitsaanerusumik kiffartuussisisarnissarput anguniagarissavarput. Immaqalu nioqqutissat allallu eqqarsaatigalugit pitsanngorsaassalluta, Arne Lund oqarpoq.

Nunatsinni Brugsenit arfineq-marluusut sinniisaat 50-t sinnerlugit isumasioqatigiinnermi peqataassapput.