Brugsen illoqarfinni arfineq marlunni arpatsitsissaaq
Qasujaannerit periarfissaqarput 10 kilometerimut arpannissamut allallu 3,5 kilometerinut arpassinnaallutik. Illoqarfinni arfineq marluusuni ataatsikkut nalunaaqutaq ataatsimut arpannerit aallartissapput Sisimiuni, Maniitsumi, Nuummi, Paamiuni, Narsami, Qaqortumi Nanortalimmilu Brugsenit saavanniit.
- Aaqqissuussinermi malinniarneqarpoq peqqissuunissaq pillugu suliniut piffissami sivitsortumi malissimasarput. Assut pissanngatigaarput tamatuma qanoq ingerlajumaarnissaa. Siorna Nuummiinnaq 1.000-it missaat peqataaapput neriuppugullu arfininngorpat suli amerlanerit peqataajumaartut Kalaallit Nunaanni Brugsenimi HR-imut pisortaq Carsten Olsen oqarpoq.
Aamma Brugsenip pisiniarfiini innuttaasut peqqinnissamik timigissartarnissamillu pingaartitsinerulernerat maluginiarneqarpoq. Suliniut suliffeqarfimm sanigorsarneq assut iluatsilluarpoq namminerlu piumassutsimik nalunaarnikkut tamanna pigaluarpoq suliffeqarfiit peqataaffigilluarpaat.
- Tamanna unamminertut inissipput marlunnik uuttuuteqartillugu. Sanigorserneq siunertaavoq peqataanermilu kilot katanneqartut allattorneqartassapput. Aappaattullu uuttorparput AMISUT peqatigalugit qassinik allortarneq naatsorsorneqarmat. Unammineq naammassippat kilot oqilissutaasut allornerillu agguaqatigiisinneqassapput iligiinnilu arfineq pingasuni ajugaasut pingasut pinnatassaqarput. Neriuppugut sulisutta ilaquttatik ikinngutitillu peqqinnarnerusumik inooriaaseqalernissaannut sunnersinnaassagaat, Ungaaq Abelsen Brugsenip Nuummi qullersaqarfiani sulisoq oqarp0q. Taanna aappani naartusoq ilagalugu arfininngornermi arpaqataaniarpoq 3,5 kilometerimullu arpassallutik aalajangersimapput.
Arfininngornermi arpannissaq nalunaaquttap akunneranik ataatsimik sioqqullugu ullup qeqqaniit nalunaartoqarsinnaavoq.
