Brugsen aningaasartalimmik nersornaasiisalissaaq

Nersornaat 100.000 koruuninik aningaasartalik agguagarsinissaq pisarnertut januaarimi pilerpat ukiumoortumik nersornaasiuttagassaq tunniunneqassasoq, Kalaallit Nunaanni Brugsenimi siulersuisuunerit aalajangerput.
novembarip 02-at 2010 06:18

Nersornaat assigiinngitsunik tunngavilinnut tunniunneqarsinnaavoq, soorlu isumaginninninnermut atatillugu suliniutilimmut, inunnik ikiuiniarnermik sulialinnut, timersornermut allanilluunniit atatillugu sulisunut akissarsiaqanngitsunut, inuussutissarsiornermut atatillugu suliniutilinnut immikkoorutilinnut, nutaamik isumassarsisimasumut, inummut maligassiuilluartumut imaluunniit inummut inuunini tamangajaat aalajangersimasumik suliniuteqarsimasumut.

Kalaallit Nunaanni Brugsenit siulittaasuat, Ole Mølgaard-Motzfeldt, Kalaallit Nunaanni innuttaasunut kajumissaarivoq, kina, imaluunniit kikkut suliniuteqartut, Brugsenip ukiumoortumik nersornaasiuttagassaanik siullerpaamik tunineqassanersut.

Siunnersuutit allaganngorlugit uunga nassiunneqassapput:

KNB, Postbox 1092, 3900 Nuuk. Allakkat nalunaarsorneqassapput: Ukiumoortumik nersornaasiuttagaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq