Brixtoftep parnaarussaanera sivitsoqqinneqarpoq
Akileraartartut akiligaannik Peter Brixtofte rødvininik pisisarsimanera unioqqutitsillunilu aningaasanik 450 millioner koruuninik atorniarsimanera pillugit paarnaarussaaqqinnissaanik pineqaatissinneqarpoq. Peter Brixtofte pineqaatissiissut siulleq pillugu ukioq ataaseq paarnaarussivimmiippoq, tassalu iperagaaqqammiinnarluni parnaarussaaaqqittussanngorpoq.
Peter Brixtofte pillugu eqqartuussinerit ukiut tallimat ingerlanneqareersullu, inummut tassunga tunngassuteqartut eqqartuussiviup Østre Landsret-ip naammassigallarpai.
Brixtoftep iliuuserisimasai danskit tamat oqartussaaqataanerannut ulorianartutut unnerluussisup Flemming Denkerip nalilerpai, Italiami peqquserlulluni iliortarnertut assersuullugit. Unnerluussissutigineqartut Brixtoftip eqqunngitsuunerarpa unioqqutitsisimannginnerarlunilu, pasilliutigineqartullu eqqunnginnerarlugit.