Britta Nielsenip illersuisua Nima Nabipour Københavnimi eqqartuussivimmut sisamanngornermi apuuppoq. Britta Nielsen 117 milliuunit koruuninik pisortat aningaasaataannik peqquserluuteqarsimasutut unnerluutigineqarpoq.Assi: Niels Christian Vilmann/Ritzau Scanpix

Britta Nielsenip aningaasanik nuussisarsimanini nassuerutigigaa

Britta Nielsen 117 milliuunit koruuninik peqquserluuteqarsimasutut unnerluutigineqartoq Isumaginninnermut aqutsisoqarfimmit aningaasanik nuussisarsimalluni nassuerutigaa.

Britta Nielsenip illersuisuata, Nima Nabipourip, Københavnip eqqartuussiviani ullumi sisamanngornermi tamanna ilisimatitsissutigaa.

Toqqaannartumilli nassuertoqanngilaq. Aningaasanik qanga nuussisoqartarsimanersoq aamma aningaasat qanoq amerlatigisut nuunneqartarsimanersut isumaqatigiinngissutigineqarpoq.

Aningaasalli ataasiakkaat amerlassusiat itigartitsinertut isigineqassanngillat, illersuisorlu oqarpoq, unnerluutigineqartup aningaasat amerlassusaasa qassiorpiarneri piffissarlu eqqaamanngikkai.

AAMMA ATUARUK Peqquserluttuliorsimasutut pasisaq Britta Nielsen tigummigallagassanngortinneqarpoq.

Aningaasanik peqqquserluuteqarnerup saniatigut Isumaginninnermut aqutsisoqarfimmi Britta Nielsenip suligisimasamini kukkunersiuisup atsiornera atorlugu peqquserluttarsimanini nassuerutigaa, peqquserlullunilu allagaasiortarsimanini nassuerutigalugu.

Britta Nielsenimut unnerluussuterpassuit pillugit aatsaavissuaq tamanut ammasumik saqqummiisoqarpoq.

Britta Nielsenilli illersuisuata, Nima Nabipourip pisoq pillugu oqaaseqarumasarsimanngilaq. Eqqartuussinerlu aallartippat saqqummiisoqartussaanera innersuussutigisarsimallugu.

Peqquserluuteqarujussuarsimanerlu ukiut arfineq pingasut tikillugit parnaarussaassutigineqartarpoq. Taamaattoq unnerluussisup paragraf 88 atorlugu suli sakkortunerusumik pineqaatissiisoqarnissaa piumasaraa.

Britta Nielsenilli illersuisuata, Nima Nabipourip tamanna akueriumanngilaa.

AAMMA ATUARUK Peqquserluttuliorsimasutut pasineqartoq Britta Nielsen Danmarkimut tunniunneqartoq

Britta Nielsenip anigaasanik peqquserluttuliornerata kingunerisaanik ilaatigut Kalaallit Illuutaannut naalagaaffiup satspuljemit aningaasaliissutigisartagaanik siorna oktobarimi tunniussisarneq Isumaginninnermut aqutsisoqarfimmit unitsikkallarneqarpoq.

/ritzau/

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat