Unnerluussisussaatitaasut Britta Nielsen ukiuni arfineq pingasuni paarnaarussassanngortinissaa eqqartuussivimmi pumasarigaluarpaat, illersuisuatalu Nima Nabipourip ukiut sisamat arfinillillu akornanni pineqaatissinneqarnissaanik piumasaqaatigisimallugu.Assi: Ida Guldbæk Arentsen/Ritzau Scanpix

Britta Nielsen peqquserluttuliorsimanerminut ukiuni arfinilinni qaammatinilu arfinilinni parnaarussassanngortinneqartoq

Britta Nielsen Danmarkimi isumaginninnermut aqutsisoqarfimmi 117 million koruunit missaanniittunik peqquserluttuliorsimasutut unnerluutigineqareerluni pineqaatissinneqarpoq.

Danmarkimi isumagininnermut aqutsisoqarfimmi atorfeqarsimasoq 65-nik ukiulik, Britta Nielsen, suliffimmini aningaasanik milliuunilikkaanik peqquserluttuliorsimanini pillugu ukiuni arfinilinni qaammatinilu arfinilinni parnaarussassanngorlugu pineqaatissinneqarpoq.

Københavnip eqqartuussiviani Københavns Byretimi akunnialuit matuma siorna taama aalajangiisoqarpoq.

Aningaasanik 117 million koruunit missaanniittunik peqquserluttuliorsimasutut unnerluutigineqareerluni pineqaatissinneqarpoq.Britta Nielsen Isumaginninnermut Aqutsisoqarfiup aningaasaataanik ukiut 25-it ingerlaneranni 300-riarluni imminerminut nuussisarsimasoq, unnerluussummi allassimavoq.

AAMMA ATUARUK Britta Nielsen: Jeg faldt for en fristelse i systemet

Unnerluussisussaatitaasut Britta Nielsen ukiuni arfineq pingasuni paarnaarussassanngortinissaa eqqartuussivimmi pumasarigaluarpaat, illersuisuatalu Nima Nabipourip ukiut sisamat arfinillillu akornanni pineqaatissinneqarnissaanik piumasaqaatigisimallugu.

Britta Nielsen sulianik pivisuunngitsunik pilersitsisarsimavoq imminerminullu aningaasat nuuttarlugit. Najugaqarfinnut piunngitsunut mail-nik nassitsarsimavoq peqquserluttumillu atsiortarsimalluni.

Eqqartuussineq naammassimmat eqqartuussut akueralugu Britta Nielsen nalunaarpoq. Illersuisua taama oqaluttuarpoq. Eqqartuussullu suliareqqitassanngortinneqassanngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat