Assi: Ben Stansall/AFP/Ritzau Scanpix

British Airwaysimi timmisartuussinissat taamaatiinnarneqartut

British Airwaysimi timmisartortartut akunnerni 48-ni suliumajunnaarnerat aallartippoq. Tamanna pissutigalugu timmisartuussinissat tamangajammik taamaatiinnarneqartariaqarput.

Tuluit timmisartuutileqatigiiffianni British Airwaysimi timmisartortartut suliumajunnaarnerat pissutaalluni timmisartuussinissarpassuit taamaatiinnarneqarput.

British Airways taama nalunaaruteqarpoq.

Danmarkimut Danmarkimiillu timmisartuussinissat taamaatiinnarneqartunut ilaapput.

British Airwaysip Københavnimit Londonimi Heathrowimut timmisartuussinissat marluk maannamut taamaatiinnarneqarput, soorlu Londonimit Københavnimut timmisartuussinissaq ataaseq taamaatiinnarneqartoq.

Københavnimi mittarfiup nittartagaani tamanna atuarneqarsinnaavoq.

Billundimi mittarfimmut mittarfimmiillu Tuluit Nunaannut timmisartuussinissat British Airwaysimi timmisartortartut suliumajunnaarneranni eqqorneqarsimanersut suli ilisimatitsissutigineqanngilaq.

Aatsaat siullermik suliumajunnaartut

British Airwaysimi timmisartortartut septembarip ulluisa qulingiluaanni qulinganilu suliumajunnaarnissartik kiisalu septembarip ulluisa 27-anni suliumajunnaarnissartik aarlerisaarutigaat.

British Airways, Tuluit naalagaaffiannit pigineqarpoq, tassanilu timmisartortartut aatsaat siullerpaamik suliumajunnaarput. Nutaaarsiassaqartitsivik Reutersi taama allaaserisaqarpoq.

British Airwaysip, timmisartortartut suliatigut peqatigiiffiannik Balpamik isumaqatigiissusiorsinnaasimannginnera pissutaalluni timmisartortartut suliumajunnaarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat