Brigitte Bardotip amaqqut saappai

Filmiliaritittarnikup Frankrigimeersup Brigitte Bardotip puisit piaraat arferillu isumageqalugit saqqumilaartuareerluni maanna Sverigemi amaqqut isumagalugit saappallappai.
februaarip 10-at 2011 06:19

Bardot 76-inik ukiulik Sverigemi avatangiisinut ministerimut, Andreas Carlgrenimut allappoq amaqqunik piniartarneq qangarsuaq pissusiusimasoq unitsittariaqartoq. Sverigemi ukiuni 46-ni amarorniaqqusaangereerluni siorna piniarneq aallartinneqaqqippoq.

Bardot ministerimut ilaatigut allappoq; "ministeri qinnuigaakkit uumasunnguit nallinnartut amerlavalaanngereersut piniarunnaaqqullugit peqqillutik amerliartorniassammata".

Bardotip saaffiginninerminut pissuterpiaa Sverigemi pinngortitaq pillugu pisortat piniaqqusinerminnut aamma pissutigaat, tassa amaqqut peqqissuutinniarlugit ukiumut 20-t pisarineqartarnissaat akuersissutigigamikkit.

Sverigemi amaqqut amaqqunik allanik akuneqartanngikkunik peqqikunnaartussaammata piujuarnissaat anguniarlugu ilanngartoriarlugit nunanit allaneersunik akoortarpaat.

Sverigep avannarpasinnersaani amaqqut 210-nik amerlassuseqarnissaat siunertarineqarpoq, tamannalu Brigitte Bardotip allanngortinnavianngilaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq