Brigitte Bardot pineqaatissinneqaqqippoq
Muslimit uumasunik toqoraariaasiat akerleriniarlugu Brigitte Bardot 2006-imi decembariugaa Frankrigimi taamanikkut naalagaaffimmi pissutsinut ministerimut, maannalu præsidentiusumut, Nicolas Sarkozymut allagaqarpoq.
Taamatut allagaqarneq 73-inik ukiulimmut Bardot-mut kinguneqarnerluppoq, 15.000 Euro-nik, tassa 100.000 koruunit missaannik Brigitte Bardot akiliisussanngortinneqaqqammerami.
Ammip qalipaataa tunngavigalugu nikassaasunut akerliusunik ajuallatsitsisimasutut Brigitte Bardot siornatigut pineqaatissinneqarnikuuvoq, sisamariarluni pineqaatissinneqarnikuugami.
Frankrig Europami nunani muslimeqarnerpaajuvoq, muslimit 5 millionit Frankrigimi najugaqaramik.