Brigitte Bardot-ip nunarput eqqorsinnaavaa
Uumasunik illersuiniaq, isiginnaartitsisartuusimasoq Brigitte Bardot puisinniartarnermut akerliulluni kingumut tusagassiutitigoorluni tapersersortissarsiorpoq. Tamanna qanoq ICC-minngaanniit qisuariarfigineqarnersoq paasiniarparput.
- Ajoraluartumik Brigitte Bardot ukiut 30-t matuma siorna qanoq iliuusini massakkut nangeqqitai suli sakkortuninngorlutik saqqummiussorput, nunarsuarmioqatitsinnullu assorujussuaq sunniuteqarlutik, Aqqaluk Lynge oqarpoq.
Taanna aperaarput akissutissanik piareersaateqarnersut.
- Massakkut Canada-miut soorunami suleqatigaagut aamma naalakkersuisut Nunavullu massakkut oqaloqatigiipput. Taamatut akiuiniassagaanni allatut ajornartumik nunarsuarmioqatigiit assigiinngitsut ikiortissarsiortariaqarpugut, taamaattumik massakkut uagut aamma ICC-mi siulittaasorput ulapittorujussuuvoq Canadami, aammalu Nunavut naalakkersuisui aamma Brigitte Bardot-p Canadami pulaarnera atatillugu illuatungiliipput, massakkut nalunngilarput Italiamiut piareersartut Holland-imiut piareersarput inatsisiliornissaminnut killilersuinissamik tassaasiit aamma uagut eqqugaaqqissaagut, taamaattumik sissuerluinnartariaqarparput uani aamma uagut nammineq avataaninngaanniit uparuarneqarnissatsinnik sissuertariaqaratta, tassalu innuttaasuusugut tamatta akisussaaffigaarput avataaninngaanniit taamatut isigineqarnerujussuarput sissuissallutigu piniakkat aamma nammineq piniakkanik aqutsinitsinni pisarisaasartunilu aamma innersuussutaasut aamma malittassagatsigit. Taanna pingaaruteqartorujussuuvoq taamaaliunngikkutta kattornannguaq sussaajunnaassuaatigut piniarsinnaatitaanerlu killerujussuarlugu, taamaattumik uatsinnut aarlerinaateqarpoq assorujorujussuaq, Aqqaluk Lynge Kalaallit Nunaanni ICC-mi siulittaasoq oqarpoq.
