Labour Brexit pillugu nutaamik taasititsisoqarnissaa piumasaraa
Tuluit EU-mi ilaasortaajunnaassanersut, ilaasortaaginnassanersulluunniit pillugu innuttaasut taasitinneqarnissaannut kaammattuummik tapersersuiniarnini, illuatungiliuttut partiiata Labourip siuttuata Jeremy Corbynip nalunaarutiginiaraa, Labourip oqaatigaa.
Allattoq Ritzau
Nutserisoq Mads Lynge
Tuluit EU-mi ilaasortaajunnarnissaannut atatillugu isumaqatiginninniarnerit killiffiat, tuluit inatsisartuini pingasunngorpat oqallisigineqartussanngortorlu Labour taama nalunaaruteqarpoq:
- Innuttaasut taasitinneqarnissaannut siunnersuummik saqqummiussiniarnerput attapparput, konservatiivit anguniagaannik EU-mi ilaasortaajunnaarnissap piviusunngunnginnissaa sulissutiginiarparput, Jeremy Corbyn, Labourip inatsisartuni ilaasortaatitaannut tamanna oqaatiginiarpaa.