Breakdancertartut nunatsinneersut Sverigemut unammiartulerput

Inuusuttut nunatsinneersut sisamat sapaatip akunneranut sisamariarlutik sungiusartarsimallutik Sverigemi breakdancertunik unammisitsinermi peqataajartulerput.

Nunani avannarlerni breakdancertartut unamminermi peqataassapput, unammiallu nunatsinneersut unammersuartitsisunit qaaqquneqarnermikkut peqataassapput.

Breakdancertartut, Nuuk City B-Boys-imik imminnut atsersimasut, Sverigeliarlutik aqagu aallassapput.

20-nik ukiullip Martin Labansenip breakdancertartut angalanermi akisussaaffigissavai, sungiusaleruttortullu alakkarteratsigik nipilersuut ingerlarsorsuataarpoq.

18-inik ukiullit Ejnar Knudsen aamma Jens Peter Tobiassen, kiisalu 19-inik ukiulik Vilhelm Egede Nuummi Inuusuttut Siuarsartut illuutaanni sungiusartarput. Taakkumi Sverigemi Helsingborgimi unammersuarnerni Kalaallit Nunaat sinnerlugu unammeqataassapput.

Ajoqusertoqassagaluarpat Martin Labansen nunatsinniit unammeqataasunut taartaassaaq.

Breakdancertitsinermilu aaqqissuisut ulapissagunaqaat. Iligiikkuutaat 31-t unammissapput, tamarmik immikkut pingasunik qitittartuutillit.

Unammersuarnermi ajugaasut 15.000 koruuninik akissarsitinneqassapput, nunatsinneersullu ajugaassagaluarunik aningaasat ilaat CD-nut atussamaarnerarpaat.

Breakdancertartut nunatsinneersut aggustip pingajuanni nunatsinnut uteqqissapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat