Nutaarsiassaqartitsivik Reuters naapertorlugu Brasiliap præsidentiata Jair Bolsonerop silap pissusaa pillugu ilungersuutigisaqartoq Greta Thunberg meerapalaanerarpaa.Assi: Cristina Quicler/AFP/Ritzau Scanpix

Brasiliap præsidentia: Greta Thunberg meerapalaavoq

Greta Thunberg inuttut 2019-imi malunnaateqarnerpaajusutut atuagassiamit Timemit ippassaq toqqarneqarpoq.

Brasilialli præsidentiata Jair Bolsonerop Time isumaqatiginngilaa.

Nutaarsiassaqartitsivik Reuters naapertorlugu præsidentip silap pissusaa pillugu ilungersuutigisaqartoq Greta Thunberg meerapalaatut taavaa.

Thunberg Brasiliap inoqqaavinut nakuusertoqarneruleraluttuinnarneranut isornartorsiuereersoq Bolsonaro taama oqaaseqarpoq.

AAMMA ATUARUK Thunberg Spaniami ataatsimiittunut peqataajartorluni Portugalimut tikittoq

- Nunap inoqqaavi orpippassuarnik inatsisinik unioqqutitsillutik orpiiaasunit illersuiniarmata toqorarneqarput, sverigimiu inuusuttoq Twitterikkut sapaatiummat allappoq.

Angutit naggueqatigiit Guajajarameersut marluk Amazonasip kangisissortaani aallaaneqarlutik arfininngormat toqutaanerata kingorna Thunberg isornartorsiuivoq.

AAMMA ATUARUK Greta Thunberg avatangiisit pillugit nersornaaserneqarnissaminut itigartitsisoq

Nunap inoqqaavisa pinngortitamik avatangiisimillu illersuiniarnerat Thunbergip Naalagaaffiit Peqatigiit silap pissusaa pillugu Madridimi ataatsimeersuarneranni aamma ukkataraa.

Tamannalu Brasiliap præsidentianit Bolsonaromit iluarineqanngilaq.

- Sooq tusagassiuutit meerapalaamik oqaaseqartitsisarpat?, tusagassiortunut marlunngormat oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat